چوارشهممه، 20 خهزهڵوهڕی 88ی ههتاوی ئیحسان فهتاحیان، چالاكی سیاسیی كورد كه به ئیعدام مهحكووم كرا بوو، حووكمهكهی له لایهن دهزگای قهزایی و بهڕێوهبهریی گرتوخانهی ناوهندی سنهوه جێبهجێ كرا.
ئیحسان فهتاحیان به تاوانی دژایهتی كردن له گهڵ خودا و ئهندامهتیی له حیزبێكی كوردی نهیاری كۆماری ئیسلامی ساڵی رابردوو سهرهتا به 10 ساڵ زیندان مهحكووم كرابوو، بهڵام حووكمهكهی له لایهن لقی 4ی دادگای پێداچوونهوهی پارێزگای سنهوه به ئیعدام گۆڕا.
بابهتی ئیعدام كردنی ئیحسان فهتاحیان كاردانهوهی توندی رێكخراوهكانی مافی مرۆڤی له دنیادا لێكهوتهوه و له لایهن زۆربهی رێكخراوه نێونهتهوهیییهكانی مافی مرۆڤهوه بڕیاری له سێدارهدانی ئیحسانی فهتاحیان مهحكووم كرا، بهڵام بهرپرسانی دهزگای قهزایی رێژیم بێ گویدان بهو كاردانهوانه ئهو حوكمهیان له بهرهبهری بهیانی ئهوڕۆ چوارشهممهدا جێبهجێ كرد.
ناوهندی ههواڵ"رۆژههڵات مێدیا" جێبهجێ کرانی حوکمی ئیعدامی تێکۆشهری کورد ئیحسان فهتاحیان به توندی مهحکوم دهکا و پرسه و سهرهخۆشیی خۆی ئاراستهی بنهماڵه وکهسوکاری ئیحسان فهتاحیان و هاوسهنگهران دهکا.
ئیحسان فهتاحیان ئیعدام كرا
ئیحسان فهتاحیان، چالاكی سیاسیی بهند كراوی كورد له گرتووخانهی شاری سنه ئیعدام كرا. بهیانی ئهورۆ
خۆپیشاندانی نهیارانی ڕژیمی ئێران کهوته بهر هێرشی بهسیج و لیباس شهخسییهکان
ئهمڕۆ هاوکات لهگهڵ ڕێپێوانی لایانگرانی ڕژیمی ئیسلامی، به بۆنهی 13ی خهزهڵوهر 30 ساڵهی داگیرکرانی باڵوێزخانهی ئهمریکا له تارانی پایتهختی ئێران، کۆمهڵێکی زۆریش له نهیارانی حکومهت بۆ دهربڕینی ناڕهزایهتی خۆیان دژ به حکومهتی داسهپاوی کۆماری ئیسلامی، دهستیان دایه خۆ پێشاندان و دروشمی مردن بۆ دیکتاتۆریان بهرز کردهوه.
رێژیم دهیههوێ به بیانووی جۆراوجۆر گوندهكانی ناوچهی ورمێ له نێو ببات
ههواڵدهری كوردستان رایگهیاند، له ساڵانی رابردوودا رێژیم به بیانووی درووستكردنی بهنداوی "نووشان" چهندین گوندی ئهو ناوچهیهی لهوانه، زێڕی خان، میراوا، دۆڵه پێسان، خڕێو هلوری به تهواوی وێران كردووه.
مونتهزری: داگیركردنی باڵیۆزخانهی ئهمریكا ههڵهیهكی گهوره بوو
ئایهتوڵلا " حوسێنعهلی مونتهزری" یهكێك له مهرجهعی باڵای شێعهكانی ئێران له شاری قوم له وهڵامی پرسێارێكی ماڵپهڕی " شهپولی سهوزی ئازادی" دهربارهی داگیركردنی باڵیۆزخانهی ویلایهته یهكگرتووهكانی ئهمریكا له تاران له لایهن خوێندكارانی پهیڕهوی هێڵی ئێمام وتی:" داگیركردنی باڵیۆزخانهی ئهمریكا ههڵهیهكی گهوره بوو و دوای 30 ساڵ ئاسهواری نهرێتی لهسهر ئێران ماتهوه".
ئێمە هەمانە 1 میوان سەرهێڵ